🔰 Бүгінгі таңда, тәрбие мен білім берудің инклюзивті тәжірибесінің аймақтық үлгілері белсенді түрде қалыптасуда. Бұл ерекше білім беруді қажет ететін балаларды жалпы білім беру процесіне қосуға болатынын білдіреді. СҚО "Мектепке дейінгі білім беру жүйесінің озық тәжірибесінің педагогикалық" марафоны аясында Петропавл қаласындағы Нұрсәт бөбекжайының базасында "Инклюзивті білім беру: инклюзивті қоғам жолындағы тәжірибе, перспективалар" облыстық семинар өтті.

Семинар 3 секцияға бөлінді: тәрбиешілер, психологтар, логопедтер және мектепке дейінгі ұйымдардың дефектологтары. Семинар барысында қатысушылар  сенсорлық интеграция бойынша көрмені тамашалады, мектеп жасына дейінгі балалардың әлеуметтік-эмоционалдық дағдыларын қалыптастыру тәжірибесімен, логопедтің коррекциялық жұмысындағы нейропсихологиялық тәсілдермен бөлісті. Шара соңында эстафета Тайынша ауданындағы «Болашақ» бөбекжайдан келген әріптесімізге табысталды.