МЕМЛЕКЕТТІК ҚЫЗМЕТТЕР: ҚОЛЖЕТІМДІЛІК ПЕН АШЫҚТЫҚ
28 сәуір күні «Академик Е.А. Бөкетов атындағы мектеп-гимназиясы» КММ-де білім беру саласындағы мемлекеттік қызметтерді көрсету бойынша «Ашық есік күні» өтті.
Іс-шараның мақсаты — халықтың цифрлық сауаттылығын арттыру және азаматтарға қызметтерді электронды форматта алу тәртібі туралы ақпарат беру.
Ашық есік күні барысында:
Мектеп мамандары сұранысқа ие қызметтер (1-сыныпқа қабылдау, тамақтандыруға есепке қою, анықтамалар беру) бойынша түсіндірме жұмыстарын жүргізді.
eGov.kz порталы мен білім беру платформаларын пайдалану бойынша практикалық кеңестер берілді.
Келушілер оқу процесін автоматтандыруға қатысты сұрақтарына білікті жауаптар алды.
Мектеп әкімшілігі кедергілерді жою және сыбайлас жемқорлық тәуекелдерін азайту арқылы мемлекеттік қызметтерді алу үшін барынша қолайлы жағдай жасау жұмысын жалғастыруда.