Акцияның мақсаты — кәмелетке толмағандар қатысатын жол-көлік оқиғаларының алдын алу және оқушылардың жолда қауіпсіз жүріс-тұрыс дағдыларын қалыптастыру.

Акция барысында прокуратура қызметкерлері, Шал ақын ауданы полиция бөлімінің қызметкерлері және жергілікті атқарушы органдардың өкілдері оқушыларға көрнекі әдістер арқылы практикалық сабақтар өткізді. Оқушыларға «соқыр аймақтардың» қауіптілігі, тежелу жолының ерекшеліктері, жолда қауіпсіз жүріс-тұрыс ережелері және оларды бұзғаны үшін жауапкершілік түсіндірілді.

Оқушылар белсенді қатысып, өз сұрақтарын қойды. Бұл бағыттағы жұмыс алдағы уақытта да жалғасын табады.